Ku Cyumweru, tariki ya 19 Mutarama 2025, hatangijwe imikino y’abapolisi kuri stade zitandukanye zirimo Muhanga, Ruyenzi, Ishuri Rikuru rya Polisi, n’i Gishari.

Polisi y’Amajyepfo yatsinze icyicaro gikuru 2-0, Ishuri rya Polisi ry’i Musanze ryatsinda Amajyaruguru 4-1, mu gihe Uburasirazuba bwatsinze Ishami ryo kurwanya iterabwoba 2-1, naho Police Task Force Unit itsinda SAPU 3-0.

CP Rafiki Mujiji, Umuyobozi w’Ishuri Rikuru rya Polisi, yashimangiye ko intego ari uguhuza abapolisi, bakaruhuka mu mutwe bagasabana, bagakomeza kuzirikana inshingano zabo nk’abapolisi b’u Rwanda.

Iri rushanwa ryitabiriwe n’amakipe 15, aho andi arindwi azakina ku Cyumweru, tariki ya 26 Mutarama 2025. Ubusanzwe, igikombe gifitwe n’Ishuri rya Polisi ry’i Gishari ryatsinze Uburengerazuba umwaka ushize.