NIYONZIMA Olivier Seif
NIYONZIMA Olivier Seif wirukanwe mu ikipe y'igihugu Amavubi


 Mu ijoro ryo ku wa Gatandatu, ikipe y'Igihugu y'u Rwanda, Amavubi, yakiriye Sudani y'Epfo mu mukino wo kwishura w'ijonjora rya nyuma ryo gushaka itike ya CHAN 2024, ikaba yatsinze Sudani y'Epfo ibitego 2-1. Ibitego bya Amavubi byatsinzwe na Mugisha Didier na Muhire Kevin, mu gihe Sudani y'Epfo yatsinze igitego kimwe cyatsinzwe na David Sebith.

Nyuma y'umukino, umutoza w'Amavubi, Jimmy Mulisa, yabajijwe ku mpamvu Niyonzima Olivier Seif yasezerewe mu ikipe y'Igihugu, maze asubiza ko byose byaturutse ku kinyabupfura gike cya Seif.

Mulisa yagize ati: "Sefu we arabizi, twaraganiriye, ikibazo cy'ikinyabupfura gike wenda nawe umubajije yabikubwira"

Seif yari yarahamagawe muri 31 Mulisa yari yarahamagaye, mu rwego rwo kwitegura imikino ibiri harimo ubanza n'uwo kwishyura na  Sudani Y'epfo wakinwe ejo, aho Seif atagaragaye muri uwo mukino kubera ko yari yirukanwe mbere ubwo bagabanyaga umubare w'abakinnyi bari bahamagawe.