Mu Ntara ya Gaza muri Palestine Minisiteri y’Ubuzima, yatangaje ko abasaga ibihumbi 25.105 bo muri iyo ntara aribo bamaze kwicwa n’ibitero bya Israel, mu ntambara icyo gihugu gihanganyemo n’Umutwe wa Hamas.

Kuwa 21 Mutarama 2024, BBC yatangaje ko iyi ministeri yemeza ko mu munsi umwe warushize abantu 178 bishwe, uyu musi ukaba wabaye umwe mu minsi yishweho abantu benshi muri iyi ntambara.

Abana barenga 9.600 nibo bamaze gupfira muri iyi ntambara,  mugihe abagore bamaze gupfira muri iyi ntambara bangana ni 6.750. Mu bakomeretse 62.681, abana ni 8.663 mu gihe abagore ari 6.327. Ababuriwe irengero ni abantu 8.000.