Jenerali Jacob John Mkunda ukuriye igisirikare cya Tanzania asaba kwirukana impunzi zatswe uburenganzira bwo kwitwa impunzi hamwe n'abimukira badafite ibyangombwa

Mu birori byo gufungura inama ya karindwi ihuza abayoboye igisirikare cya Tanzania,umukuru w'igisirikare cya Tanzania yabwiye Perezida Samia Suluhu ko “ikibazo nyamukuru gihangayikishije umutekano  wo muburengerazuba bwa Tanzania ar'uko ako gace kakiriye impunzi nyinshi n'abimukira bahabwa n'akazi mu nzego za Leta.

Ati: “Ku makuru ahari, ni uko benshi muri izo mpunzi cyangwa abashaka  ubuhungiro, cyangwa imiryango yabo, bahawe akazi muri leta, mu nzego zitandukanye, hari n’abari mu nzego zifata ibyemezo.

Jenerali Jacob Ati: “Tanzania imaze imyaka itari mike yakira impunzi ziva mu Burundi, muri Congo, no mu Rwanda, kuva mu 1972, aho yavuze ko  no mu mwaka ushize abarenga 139.000 binjiye muri Tanzania.

Yakomeje avugako kandi  abenshi mu bahunze mu mwaka ushize, bahunze kubera  ubukene.

Perezida Samia yavuzeko iki  kibazo agiye kukitaho, kandi agiye gukora uko ashoboye akaganira n'ibihugu izi mpunzi n'abimukira baturukamo bakumvikana uburyo bunoze bakwiriye gutahamo.

Umwaka ushize warangiye Tanzania imaze kwakira impunzi n'abimukira barenga 255.000, benshi bava mu Burundi, no muri DR Congo.

mpunzi z’Abarundi ziba mu makambi ya Kasulu na Kibondo mu ntara ya Kigoma zifitee ubwoba ko leta ya Tanzania ishobora kuzirukana nk’uko byagenze mu mwaka wa 2012, ariko ikavuga ko nta mugambi nk’uwo ifite.